3年前，我已填好JUPAS，25個choices，大約有15個是BBA。
因為沒什麼特別興趣，by elimination，最後就是BBA和Social sci。
成績最好的人，可能選擇最少。為什麼呢？
IFA,QFN,GBUS,MEDIC,LAW,PAC,你仲有咩選擇？
可能你會諗，喂，我拎住幾條A，無理由唔讀呢d科姐。
我以前都係咁諗，拎住條A，仲唔入3大BBA？
我成日諗如果我成績差d，我或者選的科不一樣。
結果呢？3年了，學到什麼？
......
好多嘢都係吹水，只有一堆附上假設的理論。
即使你GPA幾高都好，叫你考番上1,2個SEM的嘢，你估你識幾多？
好似中學咁，而家叫你考番A-LEVEL，你又記得幾多？
D人成日話中大有四大頹系，但我個人覺得BBA先頹。
永遠就係project + mid-term + final。
mid-term成日就係50條MC，個mean次次係40幾條，
project就大家1人做1part夾埋佢，好yeah搞店！
但果時我傻傻地諗，讀Social sci出黎做咩呀？讀BBA好似有前途d bor。
其實除左medic school, law, ifa之外，根本大家都係一個學位。
即使係big4，請的都有一半都唔係讀account的。
咩嘢叫做professional呀？
既然係咁，何不讀一科自己喜歡，有興趣的呢？
所以，我唔推介人讀BBA，萬不得已真係要讀的就hotel仲好。
起碼有得上紅酒course，煮下嘢食先啦。
BBA俾到你的，其實係識人，仲有好多soft skills。
你可以見識咩係商科人，好識把握機會，好aggressive，你可以知道所謂現實社會是什麼。
大家老友鬼鬼，有咩著數，記住話我知XD
我個人強烈推介政政系的GPAD1076同1095，
2個course學到的比我3年business course學到的更多。
-------------------------------------------------------------------------------------------------------
3年後的今天，我正面對如選科相似的問題。
問：”搵工搵咩工？” MT lor，big 4 lor…..
幾個月前，有一單新聞令我好感觸。
一個25歲中大會計畢業生，入左big4，考到牌，結果意外死左。
大多數入big4的就諗住捱捱捱，考完牌就好世界。
唉，邊有人諗到自己咁早死呀？
我靈機一動，上香港統計署的網頁。
原來跟我90年出生的男性，在20年內死亡估計約有1.22%，30年內死亡則3.02%
90年出生女性，在20年內死亡估計約有0.63%，30年內死亡則1.67%
有3%我會係51歲前死，你一定諗你死你事，無理由係我的。
但如果你在那3%之中呢？
你有什麼遺憾？
香港人平均工作時數為一星期45小時。
如果一星期工作5天，加上1小時食飯時間，未計算坐車時間，即是朝8晚6。
回到家中，食飯沖涼，又講訓覺，第二朝起身。
大家就活在這樣的營營役役之中。
工作為了什麼？賺錢。
賺錢為了什麼？大不了就是衣食住行。
食得好，穿得好，住得好，一年兩次旅行。
$150一碗豬扒飯我食過，$50一碗豬扒飯我又食過。
$600一塊牛扒我食過，$60一塊牛扒我又食過。
當然貴的貴得有原因，你想享受，就要追求。
但在追求的過程中，你又失去了什麼？
賺錢為了什麼？當然是為了自己所愛的人。
想把最好的給自己愛的人，相信不一定要當過父母才知道。
於是，我們就努力地爭取最好的，記住，是我們認為最好的。
老生常談如父母只顧賺錢，不斷物質滿足子女，
卻忽略對子女的關心，失卻共聚相處的時間，
這樣的例子多不勝數，我也認識一些。
咁到底工作，除左戶口的數字，仲可以俾到ｄ咩俾你？
有個簡單故仔，3個工人起教堂。有人問佢地做緊咩。
第一個答"起緊教堂lor，看都看到啦”
第二個答”搵緊食lor，唔駛養家咩？”
第三個答”我起緊一條通往天堂的道路”
聽過幾年前有個CU GBUS，結果佢選擇去左1間NGO做。
又看過本書，係某一年一個會考10A，佢選擇去做一個普通的中學老師。
讀Medic的，相信都有人去做無國界。:)
不知在那兒看到的，覺得很有道理。
我們的生活質素提高，一般人其實已經相當於二三十年前富有人家的生活。
以前你想飲茶？一盅兩件，想錯你個心。而家飲茶真係再普通不多。
以前想話搭飛機？又係想下好了。而家係街是但捉個人都坐過飛機。
但，我們變得開心了嗎？
佛洛伊德話人做的嘢就係兩樣，追求快樂同逃避痛苦。
追求快樂，所以我們用物質去滿足自己。
你買第一個名牌袋時會好開心，一個月後呢？
半年後呢？你仍會為它開心嗎？然而當你買第二個時呢？
逃避痛苦，你會數一大堆如我唔想住板間房，我唔想食大牌檔等等。
什麼是痛苦？在不丹，生活環境差得可憐，一部電視已夠奢侈。
但人家的快樂指數高得叫你望塵莫及，死未？
促使我諗咁多嘢的有好多，其中有關擇業的，
有天行者出版社的＜劈炮吾撈＞，同ppstream上可以看到的＜三傻大鬧寶萊塢＞。
當然仲有好多，不能盡錄。
在這個資訊發達的年代，我們收到很多資訊。
好多人咁講，好多人咁講。
如果唔用下個腦，根本連對錯都冇可能分得清。
即使我自以為常常用腦自我反省，也常常處身在十字路口中，不知方向。
唉，講埋諗埋呢D咁的嘢，我真係一個好失敗的BBA人 :)
後加：share...冇所謂...但真係唔需要擺上forum...
我強調我唔係想講BBA點唔好法，如果有F6,7的學生看到，
唔好單單因為我的NOTES影響到你，你搵多D人傾，然後自己再用腦諗下。
只係，讀唔適合的科，可能會好辛苦/唔開心。
唔好一味諗住錢途錢途，你係叻的，讀咩出黎都搵到嘢做。
其實我覺得自己打的嘢係人人都知道/諗到。
我真係唔明做咩咁多人share，我唔係要大家認同，只係想大家有丁點兒的反思。
好多嘢我地唔係唔知/諗唔到，而係知而不行。
我好幸運，唔駛還grant/loan，屋企都冇俾壓力我，所以我可以諗嘢咁天真。
年輕人係可以發下白日夢，因為我地仲未感受到要生活的壓力，
但諗到我要養家，交租/供樓，我仲可唔可以講理想同意義呢？。
我真係唔知道。但至少我覺得我係有選擇。
可能我最後走的路，跟大家差不多，我希望起碼我知道原因。
你估我打篇咁的notes，我10月8就唔駛考CRE咩？我就冇報MT？
當然有，只不過我真係冇報BIG4......
又可能我會做一個wedding planner，做個社工，做個老師，做個廚師，做個化妝師......
嘻！祝大家搵到＆明白咩係重要，搵到自己鍾意行的路，搵到自己可以一展所長的天空。
因為沒什麼特別興趣，by elimination，最後就是BBA和Social sci。
成績最好的人，可能選擇最少。為什麼呢？
IFA,QFN,GBUS,MEDIC,LAW,PAC,你仲有咩選擇？
可能你會諗，喂，我拎住幾條A，無理由唔讀呢d科姐。
我以前都係咁諗，拎住條A，仲唔入3大BBA？
我成日諗如果我成績差d，我或者選的科不一樣。
結果呢？3年了，學到什麼？
......
好多嘢都係吹水，只有一堆附上假設的理論。
即使你GPA幾高都好，叫你考番上1,2個SEM的嘢，你估你識幾多？
好似中學咁，而家叫你考番A-LEVEL，你又記得幾多？
D人成日話中大有四大頹系，但我個人覺得BBA先頹。
永遠就係project + mid-term + final。
mid-term成日就係50條MC，個mean次次係40幾條，
project就大家1人做1part夾埋佢，好yeah搞店！
但果時我傻傻地諗，讀Social sci出黎做咩呀？讀BBA好似有前途d bor。
其實除左medic school, law, ifa之外，根本大家都係一個學位。
即使係big4，請的都有一半都唔係讀account的。
咩嘢叫做professional呀？
既然係咁，何不讀一科自己喜歡，有興趣的呢？
所以，我唔推介人讀BBA，萬不得已真係要讀的就hotel仲好。
起碼有得上紅酒course，煮下嘢食先啦。
BBA俾到你的，其實係識人，仲有好多soft skills。
你可以見識咩係商科人，好識把握機會，好aggressive，你可以知道所謂現實社會是什麼。
大家老友鬼鬼，有咩著數，記住話我知XD
我個人強烈推介政政系的GPAD1076同1095，
2個course學到的比我3年business course學到的更多。
-------------------------------------------------------------------------------------------------------
3年後的今天，我正面對如選科相似的問題。
問：”搵工搵咩工？” MT lor，big 4 lor…..
幾個月前，有一單新聞令我好感觸。
一個25歲中大會計畢業生，入左big4，考到牌，結果意外死左。
大多數入big4的就諗住捱捱捱，考完牌就好世界。
唉，邊有人諗到自己咁早死呀？
我靈機一動，上香港統計署的網頁。
原來跟我90年出生的男性，在20年內死亡估計約有1.22%，30年內死亡則3.02%
90年出生女性，在20年內死亡估計約有0.63%，30年內死亡則1.67%
有3%我會係51歲前死，你一定諗你死你事，無理由係我的。
但如果你在那3%之中呢？
你有什麼遺憾？
香港人平均工作時數為一星期45小時。
如果一星期工作5天，加上1小時食飯時間，未計算坐車時間，即是朝8晚6。
回到家中，食飯沖涼，又講訓覺，第二朝起身。
大家就活在這樣的營營役役之中。
工作為了什麼？賺錢。
賺錢為了什麼？大不了就是衣食住行。
食得好，穿得好，住得好，一年兩次旅行。
$150一碗豬扒飯我食過，$50一碗豬扒飯我又食過。
$600一塊牛扒我食過，$60一塊牛扒我又食過。
當然貴的貴得有原因，你想享受，就要追求。
但在追求的過程中，你又失去了什麼？
賺錢為了什麼？當然是為了自己所愛的人。
想把最好的給自己愛的人，相信不一定要當過父母才知道。
於是，我們就努力地爭取最好的，記住，是我們認為最好的。
老生常談如父母只顧賺錢，不斷物質滿足子女，
卻忽略對子女的關心，失卻共聚相處的時間，
這樣的例子多不勝數，我也認識一些。
咁到底工作，除左戶口的數字，仲可以俾到ｄ咩俾你？
有個簡單故仔，3個工人起教堂。有人問佢地做緊咩。
第一個答"起緊教堂lor，看都看到啦”
第二個答”搵緊食lor，唔駛養家咩？”
第三個答”我起緊一條通往天堂的道路”
聽過幾年前有個CU GBUS，結果佢選擇去左1間NGO做。
又看過本書，係某一年一個會考10A，佢選擇去做一個普通的中學老師。
讀Medic的，相信都有人去做無國界。:)
不知在那兒看到的，覺得很有道理。
我們的生活質素提高，一般人其實已經相當於二三十年前富有人家的生活。
以前你想飲茶？一盅兩件，想錯你個心。而家飲茶真係再普通不多。
以前想話搭飛機？又係想下好了。而家係街是但捉個人都坐過飛機。
但，我們變得開心了嗎？
佛洛伊德話人做的嘢就係兩樣，追求快樂同逃避痛苦。
追求快樂，所以我們用物質去滿足自己。
你買第一個名牌袋時會好開心，一個月後呢？
半年後呢？你仍會為它開心嗎？然而當你買第二個時呢？
逃避痛苦，你會數一大堆如我唔想住板間房，我唔想食大牌檔等等。
什麼是痛苦？在不丹，生活環境差得可憐，一部電視已夠奢侈。
但人家的快樂指數高得叫你望塵莫及，死未？
促使我諗咁多嘢的有好多，其中有關擇業的，
有天行者出版社的＜劈炮吾撈＞，同ppstream上可以看到的＜三傻大鬧寶萊塢＞。
當然仲有好多，不能盡錄。
在這個資訊發達的年代，我們收到很多資訊。
好多人咁講，好多人咁講。
如果唔用下個腦，根本連對錯都冇可能分得清。
即使我自以為常常用腦自我反省，也常常處身在十字路口中，不知方向。
唉，講埋諗埋呢D咁的嘢，我真係一個好失敗的BBA人 :)
後加：share...冇所謂...但真係唔需要擺上forum...
我強調我唔係想講BBA點唔好法，如果有F6,7的學生看到，
唔好單單因為我的NOTES影響到你，你搵多D人傾，然後自己再用腦諗下。
只係，讀唔適合的科，可能會好辛苦/唔開心。
唔好一味諗住錢途錢途，你係叻的，讀咩出黎都搵到嘢做。
其實我覺得自己打的嘢係人人都知道/諗到。
我真係唔明做咩咁多人share，我唔係要大家認同，只係想大家有丁點兒的反思。
好多嘢我地唔係唔知/諗唔到，而係知而不行。
我好幸運，唔駛還grant/loan，屋企都冇俾壓力我，所以我可以諗嘢咁天真。
年輕人係可以發下白日夢，因為我地仲未感受到要生活的壓力，
但諗到我要養家，交租/供樓，我仲可唔可以講理想同意義呢？。
我真係唔知道。但至少我覺得我係有選擇。
可能我最後走的路，跟大家差不多，我希望起碼我知道原因。
你估我打篇咁的notes，我10月8就唔駛考CRE咩？我就冇報MT？
當然有，只不過我真係冇報BIG4......
又可能我會做一個wedding planner，做個社工，做個老師，做個廚師，做個化妝師......
嘻！祝大家搵到＆明白咩係重要，搵到自己鍾意行的路，搵到自己可以一展所長的天空。
